تحويل سير النقل والمقطورة من طريق اسكندرية الصحراوي إلى الزراعي خلال الصيف *

تحويل سير النقل والمقطورة من طريق اسكندرية الصحراوي إلى الزراعي خلال الصيف





6/18/2009 10:52:00 AM
القاهرة - قالت وزارة الداخلية انه فى إطار الخطة المرورية التى سيتم تنفيذها على الطرق السريعة خلال فترة الصيف ، وحرصا على سلامة المواطنين .. تقرر تحويل مسارات سيارات النقل والنقل بمقطورة طوال موسم الصيف على طريق القاهرة - الإسكندرية الصحراوى إلى طريق القاهرة - الإسكندرية الزراعى أيام الخميس والجمعة والسبت من كل أسبوع.
وأوضح بيان الوزارة الاربعاء أنه سيتم تحويل مسار السيارات المتجهة من القاهرة الى الاسكندرية اعتبارا من الساعة 12 ظهر الخميس حتى الساعة 12 مساء الجمعة، فيما سيتم تحويل المسار لتلك القادمة من الإسكندرية إلى القاهرة من الساعة 12 ظهرا حتى الساعة 12 ليلا يوم السبت من كل أسبوع.
وأشار البيان الى أنه تم تعيين الخدمات المرورية اللازمة لتوعية قائدى المركبات بالمسارات الجديدة.
المصدر: وكالة أنباء الشرق الاوسط.

يعني هو الزراعي اصلا ناقص ولا اللي بيستخدموا الزراعي دول مش بني اديمن

اقتباس:

---

المشاركة الأصلية كتبت بواسطة osamaos20022

يعني هو الزراعي اصلا ناقص ولا اللي بيستخدموا الزراعي دول مش بني اديمن

---

ايوه علشان بتوع الأقاليم دول فلاحين ودرة تانيه اذا مكنوش درجه ثالثه كمان
واللي بيسافروا مارينا والساحل دول هما البهوات بتوع البلد
ولازم يحافظوا على سلامتهم من الحوش والوحشين
اما الفلاحين فمش مشكلة خالص يطحنوا اكتر ما هما مطحونين مع بتوع النقل
اصل الطريق بصراحه فاشي وناقص

حسبي الله في الظلمة
اللهم ما انتقم منهم

حرااااااااااااااااااااااا ام
هى المشرحه نائصة أتله
الزراعى ده طريق صلاحيتة انتهت من 10 سنين

انا عايز اعرف مين العقليه اللي في وزاره الداخليه صاحبه كل الأفكار التاليه :
1- استخدام عيون القطط بعرض الطرق بدل من المطبات (العالم كله بيتخدم عيون القطط في تحديد الطرق بالطول وليس بالعرض) ووضعها علي خطوط متاليه واحيانا بأشكال معينه علي شكل سهم للتدليل علي اتجاه الطريق (ممكن توصل في يوم نلاقي ورده مرسومه علي الطريق بعيون القطط زي شغل التطريز كده كنوع من الترفيه عن المواطنين)
2-منع استخدام خدمه gps في مصر رسميا لحد شهرين فاتوا رغم ان المواطنين كبار او اطقال كانوا بيستخدموا الخدمه دي بالفعل
3- عدم رصف النقر والحفر في كل شوارع وطرق مصر (وليس اعاده رصف الطرق بالكامل ) واقسم بالله هناك حفر بعمق 10 او 15 سم بعرض شوارع كامله . بديهي لاي طفل ان الترقيع ده كفيل بحل 30% علي الأقل من الأختناق والبطء المروري في البلاد تاهيك عن زياده ساعات العمل والأنتاج
4-واخيرا تحويل مسار عربيات النقل والمقطوره من الطريق الصحراوي الي الطريق الزراعي ايام الخميس والجمعه والسبت من كل اسبوع وذلك حرصا علي سلامه مواطنين الطريق الصحراوي

ياجدعان حرااااااااااااااااااااااا اااااااااااااااااااام
وبعد ده كله الناس بتسال عن عقد النقص اللى بيحسها الغلابه ناحيه الاغنياء وليه الحقد والغل ده!!!!!!!!!!!
وياريت اللى مجربش الزراعى ينقطنا بسكاته فى الردود الجايه بعد الرد ده

اعتقد انهم بدأوا القرار دا اليوم علشان و انا جاي من الشغل النهارده من القريه الذكيه كانت الدنيا ملخبطه و بيحولوا كل العربيات النقل اللي رايحه الصحراوي علي الدائري او المحور

اقتباس:

---

المشاركة الأصلية كتبت بواسطة أبو عبدالله

ايوه علشان بتوع الأقاليم دول فلاحين ودرة تانيه اذا مكنوش درجه ثالثه كمان
واللي بيسافروا مارينا والساحل دول هما البهوات بتوع البلد
ولازم يحافظوا على سلامتهم من الحوش والوحشين
اما الفلاحين فمش مشكلة خالص يطحنوا اكتر ما هما مطحونين مع بتوع النقل
اصل الطريق بصراحه فاشي وناقص

حسبي الله في الظلمة
اللهم ما انتقم منهم

---

انا كنت داخل اقول الكلمتي دوووووووووووووول

توقعوا قطع طريق على الزراعى فى اول حادثة

اي حاجة متعلقة بالمرور او الداخلية بتفكرني بأغنية "طراطير" للعسيلي

يمكن الفكره فى ان السرعه المحدده لسواقين النقل قليله مبتتعداش 60 كم
والطريق الزراعى سرعته كدا كدا قليله
فعشان ميحصلش زحمه على الصحراوى لان معظم الناس دلوقتى بتسافر صحراوى مش زراعى عدا سكان الاقاليم
بس انا مستغرب هما مش المفروض بيصلحوا الصحراوى عشان الناس تمشى فيه بامان خللوا النقل ليه يروح الزراعى
بلد بنت @#)(&#^+_#$@!_+@#

بصراحه يا جماعه انا بستخدم الطريق الزراعي خصوصا من الخميس الي السبت
علشان بروح بنها
الطريق من قها الي طوخ النقل التقيل مبهدله الكاوتش معلم في الاسفلت بعمق قد يصل الي 15 او 20 سم
وده طبعا لان البوتامين المفروض يتحط يكون بيتحمل درجات حراره عاليه خصوصا في الصيف

وطبعا اتحط النوع العادي ومعامل الامان اقل

وكمان النور مطفي في اماكن كتير من الطريق

والوصله من شبرا الي الدائري لما تقفل يا ســــــــــــــــــــــــ ـــــــــــــــــــــــــ لام ممكن في 7 كم تاخدهم في ساعة ونص او ساعتين علشان في عساكر بيشاور للنقل التقيل ميطلعش كوبري قليوب
بس افتكر خلاص اتحلت لما وسعو الكوبري

ولو في حادث ممكن تقفلك ساعه علي الاقل

ناهيك عن استهتار النقل التقيل والغرز اللي بيعملوها

والعربيات الكارو اللي بتمشي عكس في الحتت المضلمة

بصراحه كده كتير قوي

لا يوجد رد أفصح ولا أوضح من قول:
حسبنا الله ونعم الوكيل
فوضنا أمورنا إلى الله

الطريق الزراعي يإن من الزحام
والمسئول الأعمى يحول السيارات النقل من الصحراوي إليه

إنه خطأ فادح
وفشل واضح
وتحيز فاضح
والسلام عليكم ورحمة الله وبركاته

ياجدعان حرام
حسبنا الله ونعم الوكيل

يبقا انت أكيد في مصر

ربنا يستر

هو الزراعى ناقص ده اصلا مشكلة